Audun Storaas og Judith E. de Haan stiller ut i Galleri Puls til og med laurdag 3.juni. Velkomen innom.

To skulpturar i marmor er lagt ut på auksjon i utstillinga. Fyrste bud er kome inn pr. 13.mai. Kven legg inn det neste budet?  Inntekta går til nødhjelpsorganisasjonar.

Kunstnarane viser hovudsakleg nye arbeid frå dei siste to åra, men dei har over mange å arbeidd med grafiske trykk og teknikken tresnitt.

Audun Storaas har ved sida av legepraksis, vore ein aktiv skapande kunstnar. Han er sjølvlært som biletkunstnar, men har delteke på ei rekke grafikkurs i vestlandsregionen. Hovud-teknikken er tresnitt, men Storaas har òg arbeidd med relieff og skulptur. Etter han blei pensjonist frå legeyrket, kunne biletkunstnaren konsentrera seg fult ut i grafikkverkstaden. Han har skapt mange fine arbeid i tresnitt og han har blant anna hatt oppdrag med utsmykking av altertavla i Norheimsund kyrkje.

I denne utstillinga syner Storaas mellom anna seriar med motiv frå norske stavkyrkjer og landskap. Audun Storaas er kvemming og fylde nettopp 95 år.

Judith Elisabeth de Haan ( f. 1970) flytta frå Nederland til Kvam i 2008 og har no atelier i kunstnarhuset Messen i Ålvik. Ho har utdanninga si frå Nederland. Etter to år med arkitekturstudier ved det tekniske universitetet i Eindhoven, skifta ho over til Kunstakademiet i Enschende, der ho studerte skulptur.

Judith de Haan har utvikla tresnitt-teknikken etter at ho kom til Noreg. Eit av dei første åra i Kvam fekk ho sine første skjæreverktøy berekna på tre, av Audun Storaas.

Ho arbeider òg framleis med skulptur, men hovudsakleg i prosjekt med utgangspunkt i landskap. Dei siste åra har ho delteke i Harding Puls prosjektet "Mellom himmel og fjord" på Utne folkemuseum i 2014 og i Norheimsund i 2016.

I 2015 ble Judith invitert til å delta i ”the Advanced Program 2015” av MI-LAB, the Mokuhanga Innovation Lab, Lake Kawaguchi Artist-in-Residence i Japan. Sidan denne workshopen har ho og arbeidd med den japanske tresnitt-teknikken ved sidan av den vestlige oljebaserte teknikken med trykkpresse. "Mokuhanga" er vannbasert og trykkes for hånd på Japansk "washi" papir, utan trykkpresse.

Ho har delteke i utstillingar i Nederland, Noreg, Storbritannia og Japan. I 2014 deltok hun på utstillinga i ”the International Mokuhanga (japansk tresnitt) Exhibition 2014” i Tokyo. Arbeida hennar finnes i ulike private samlingar i Noreg, Nederland, Japan, Australia og USA.

I utstillinga i Galleri Puls syner ho fleire trykk i forskjellege fargar, laga av same trykkplate. Inspirasjonen kjem frå den overveldande naturen rundt henne her i Hardanger og inntrykk frå opphaldet i Japan.

El

.